Yera d’asperar: Cascos convoca eleiciones pal 25 de marzu. La refuga’l presupuestu y la evidencia de que nun ye afayadizu gobernar a la escontra de la mayoría del Parlamentu, por más qu'ideolóxicamente seya abondo mayoritaria la derecha, fixeron-y aceutar que’l suañu de gobernar Asturies yera, dafechu, una pesadiella.
Vamos ver agora lo que fai la xente neses eleiciones. La derecha lleva dellos meses dando un espectáculu llaceriante, tolos díes a la griesca, llanzándose insultos, descalificaciones y dexando nidio que tol interés que tienen ta alrodiu l’asientu presidencial y toles prebendes que produz pa tolos sos collacios.
Tampoco la izquierda dio nenguna muestra de sentíu d’estáu: naide s’alcuerda de nengún proyeutu, iniciativa, propuesta. Ná.
De toles maneres, nun hai posibilidá nenguna de cambiu: los asturianos tan “amnestesiáos” y dixébrense ente los “del PP” los “del PSOE” y los que camienten que’l camín ye votar a I.X. Pal restu nun hai sitiu: o nun hai proyeutu de nenguna clas o nun hai cabezaleru conocíu y de prestixu,, o'l proyeutu ye vendenos al líder de siempres, que por tou méritu tien llevar dende cuantayá ensin algamar ná, y toos refugando la xuntanza como daqué del diañu.
Resumiendo: gane’l que gane, el sillón va garralu unu de los de siempres. A xingas.
lunes, 30 de enero de 2012
El coste de facer lo que-y piden a ún
“La reforma llaboral va costame una fuelga xeneral”. Dalgún micrófonu indiscretu oyó lo que taba falando'l Presidente'l Gobiernu col so collaciu danés, dexándolu como’l novatu que ye. ¿Qué tará pescanciando facer Rajoy que tan seguru ta de que la xente va echase a la cai? ¿Sedrá daqué que vien nel so “programa” eleutoral o, como les xubides d’impuestos, sedrá una ocurrencia-llaceria pa tolos trabayadores? Apuesto polo segundo.
Ye patéticu ver al Presidente’l Gobiernu dando-y la manu a la Merkel, y tovía ye abondo más patéticu cuando ún cai na cuenta de que nun ye Mariano quien garra a Ángela, sinón esta la que “guía” al otru. Dempués de falar abondes vegaes de “nun facer lo que nos digan dende Europa” y d'enllenase la bocona cola “soberanía nacional” qu’ellos diben defender con uñes ya dientes, agora Rajoy quier paecese a Sarkozi nel “contautu” físicu cola teutona. Esta, de xuru que ta gayolera: ta a una migayina d’algamar el mando en toa Europa, el gran deseo del otru líder alemán por escelencia que quixo y nun pudo: un tal Adolf.
Lo peor ye que les axencies de calificación y los “inversores-especuladores” nun s’enteraron entá de la “confianza” que da l'equipu de Mariano y baxen los “escalones” de dos en dos a la deuda del Estáu. Pero eso nun importa un res al binomiu Rajoy-Merkel: el gallegu va facer la reforma que-y pidi la xermana (y tamién los sos collacios d’ideoloxía de la CEOE) y ta decidíu a facela pola vía del cueste lo que cueste.
Nes nueses manes ta pone-y a esti Gobiernu les coses perdifíciles. Ye necesariu facer alcordanza d'otres movilizaciones, cuantayá, que ficieron camudar d’intenciones a dellos políticos (abondo más espabilaos qu’esti d’agora) per más que llueu se manipularen a esgaya los datos dende los medios favoratibles al Executivu, ñegando la participación o la llexitimidá. Hai qu’armala o tolo fecho dica agora se va perder. Ye lo qu’hai...
Ye patéticu ver al Presidente’l Gobiernu dando-y la manu a la Merkel, y tovía ye abondo más patéticu cuando ún cai na cuenta de que nun ye Mariano quien garra a Ángela, sinón esta la que “guía” al otru. Dempués de falar abondes vegaes de “nun facer lo que nos digan dende Europa” y d'enllenase la bocona cola “soberanía nacional” qu’ellos diben defender con uñes ya dientes, agora Rajoy quier paecese a Sarkozi nel “contautu” físicu cola teutona. Esta, de xuru que ta gayolera: ta a una migayina d’algamar el mando en toa Europa, el gran deseo del otru líder alemán por escelencia que quixo y nun pudo: un tal Adolf.
Lo peor ye que les axencies de calificación y los “inversores-especuladores” nun s’enteraron entá de la “confianza” que da l'equipu de Mariano y baxen los “escalones” de dos en dos a la deuda del Estáu. Pero eso nun importa un res al binomiu Rajoy-Merkel: el gallegu va facer la reforma que-y pidi la xermana (y tamién los sos collacios d’ideoloxía de la CEOE) y ta decidíu a facela pola vía del cueste lo que cueste.
Nes nueses manes ta pone-y a esti Gobiernu les coses perdifíciles. Ye necesariu facer alcordanza d'otres movilizaciones, cuantayá, que ficieron camudar d’intenciones a dellos políticos (abondo más espabilaos qu’esti d’agora) per más que llueu se manipularen a esgaya los datos dende los medios favoratibles al Executivu, ñegando la participación o la llexitimidá. Hai qu’armala o tolo fecho dica agora se va perder. Ye lo qu’hai...
martes, 24 de enero de 2012
Faigan xuegu, señores...
Si delles coses salen como tan asperando Esperanza Aguirre y Ana Botella, el Gobiernu de Rajoy va tener que modificar varies lleis pa “facilitar” el desembarco en Madrid d’un paisanu que quier facer daqué asemeyao a Las Vegas na capital del Estáu. Les más destacaes son les de camudar el Plan Xeneral d’Ordenación Urbana, pa lliberar 6 millones de metros cuadraos, les ordenances fiscales pa da-yos delles “exenciones fiscales” a los promotores, lliberalos de pagar l’IRPF, l’impuestu de bienes inmuebles, les lleis de contratación de trabayadores, la llei d’estranxería y tamién la llei “antitabacu”.
Y too esto, ¿por qué? Pues al paecer, polo que s'escucha a les dos lidereses enantes nomaes, pa facilitar la creación de más de 200.000 puestos de trabayu na construcción de Casinos, hoteles y campos de golf, asina como nel so mantenimientu ya esplotación. Bien valen toos esos emplegos saltase dafechu tol ordenamientu xurídicu. Lo importante nun ye qu’esti seya un “Estáu de derechu”, sinón que venga un americanu con perres y monte’l desiertu de Nevada en Madrid, ensin tener qu’axustase a nenguna llei que-y moleste, ofreciendo puestos a esgaya (llueu, cuando cueza l’asuntu ya menguarán) y faciendo abondes perres pa sacales al paraísu fiscal más lloñe.
Igual ye’l momentu de que los grandes distribuidores de droga a nivel mundial s’ofrezan tamién a montar equí un “centru internacional de distribución”, pa lo que ye perimportante que se faigan delles modificaciones nel Códigu Penal y práuticamente toles lleis enantes nomaes. Si prometen namás que seyan 100.000 puestinos, ¿a quien –y esmolez que se camude lo que seya? A naide. ¿Non?
Si’l sofitu de les lidereses madrilanes a esti asuntu fuera d'Urkullu, Más o Rubalcaba, daría llercia ver a los “salvapatrias” que falen tolos díes na TDT diciendo que “morrió l’Estáu de derechu”, “vendemos el país a los foriatos” o'l ya vieyu argumentu de que “el Gobiernu ta agotáu” y da “bandazos”... Ye la suerte de ser peperu: tolo que fagas ye “pol bien d’España”...
Y too esto, ¿por qué? Pues al paecer, polo que s'escucha a les dos lidereses enantes nomaes, pa facilitar la creación de más de 200.000 puestos de trabayu na construcción de Casinos, hoteles y campos de golf, asina como nel so mantenimientu ya esplotación. Bien valen toos esos emplegos saltase dafechu tol ordenamientu xurídicu. Lo importante nun ye qu’esti seya un “Estáu de derechu”, sinón que venga un americanu con perres y monte’l desiertu de Nevada en Madrid, ensin tener qu’axustase a nenguna llei que-y moleste, ofreciendo puestos a esgaya (llueu, cuando cueza l’asuntu ya menguarán) y faciendo abondes perres pa sacales al paraísu fiscal más lloñe.
Igual ye’l momentu de que los grandes distribuidores de droga a nivel mundial s’ofrezan tamién a montar equí un “centru internacional de distribución”, pa lo que ye perimportante que se faigan delles modificaciones nel Códigu Penal y práuticamente toles lleis enantes nomaes. Si prometen namás que seyan 100.000 puestinos, ¿a quien –y esmolez que se camude lo que seya? A naide. ¿Non?
Si’l sofitu de les lidereses madrilanes a esti asuntu fuera d'Urkullu, Más o Rubalcaba, daría llercia ver a los “salvapatrias” que falen tolos díes na TDT diciendo que “morrió l’Estáu de derechu”, “vendemos el país a los foriatos” o'l ya vieyu argumentu de que “el Gobiernu ta agotáu” y da “bandazos”... Ye la suerte de ser peperu: tolo que fagas ye “pol bien d’España”...
lunes, 23 de enero de 2012
¡¡¡¡Llinia!!!!
Fai meses, de la que s'axuntaron por primera vez los conceyales d’Uviéu pa nomar l’alcalde, muncha xente nun entendimos la postura del PSOE uvieín absteniendose pa que saliera l'agora “Delegáu” de Rajoy, Gabino de Lorenzo, escaeciendo, de sópitu, toles llaceries, insultos y desprecios qu’esti señor fixo a los conceyales de la oposición dende que tien, cuantayá, la mayoría absoluta.
Pescanciamos que yera una estratexa p'atapecer, por ambos llaos, delles coses non mui aceutables pa salir a la lluz pública: unos abellugaben a Gabino y otros a Tini, dexaben a Cascos na soledá más alloriante col sillón y namás (o, meyor, na menos) salíen perxudicaos tolos asturianos, en xeneral, y tolos uvieinos en particular.
En Xixón, onde foi defenestrada la llideresa, primero pola direición del so partíu y llueu polos votantes que-y dieron un bon revolcón, frayóse dafechu el “alcuerdu tácitu” y Pilarín votó’l nomamientu de Moriyón, collacia de Cascos, el so enemigu, a la escontra del vientu y la marea col increyible razonamientu de que “el pueblu taba desixendo un cambiu”. En Xixón sí, n’Uviéu non. Sedrá pola humedá.
El casu ye qu'agora dende’l PP tan afogando a Cascos col presupuestu y de xuru que nun lo faen ensin razones oscures. El sustitutu del home de la boina ta al cayer y nun ta nidio que seya'l nomáu “a deu” pol líder popular de toles Asturies. Camienta Arturín, el casquista, presentase tamién y esta vegada ye perposible que la bancada progre-y de los sos sofitos, ente otres razones porque ya nun hai Tini que guardar. Entós la fórmula máxica qu’alcontraron dende’l PP ye evidente: pa que Mesa nun se presente, afogamos a Cascos y que seya esti ‘l que convenza a Arturín pa quedase en casa. Con esti “movimientu” hai, otra vegada, un garapiellu bonu de perxudicaos: los asturianos, como enantes, como siempres.
Ye’l preciu que tenemos que pagar por tar sofitando, dende 1977, a una serie de xentes ensin más interés que la so poltrona ya’l sueldu correspondiente. Xentes ensin oficiu ya ensin beneficiu, que fixeron de la política la forma de fartase, presumir y mercar casines de veranéu en Lleón o pel Mediterráneo.
Delles vegaes, prestaríame ser alemán. O británicu. Asina nun vería dellos caramiellos de los que ya toi abondo cansu de ver. “Nesos llugares tamién hai xostrones” dirá muncha xente. Sí, pero polo menos ente babayada y babayada faen daqué bono pol país. Equí nun faen más que babayaes. Vais velo darréu cola eleición del “socesor”. Siguimos pa bingu...
Pescanciamos que yera una estratexa p'atapecer, por ambos llaos, delles coses non mui aceutables pa salir a la lluz pública: unos abellugaben a Gabino y otros a Tini, dexaben a Cascos na soledá más alloriante col sillón y namás (o, meyor, na menos) salíen perxudicaos tolos asturianos, en xeneral, y tolos uvieinos en particular.
En Xixón, onde foi defenestrada la llideresa, primero pola direición del so partíu y llueu polos votantes que-y dieron un bon revolcón, frayóse dafechu el “alcuerdu tácitu” y Pilarín votó’l nomamientu de Moriyón, collacia de Cascos, el so enemigu, a la escontra del vientu y la marea col increyible razonamientu de que “el pueblu taba desixendo un cambiu”. En Xixón sí, n’Uviéu non. Sedrá pola humedá.
El casu ye qu'agora dende’l PP tan afogando a Cascos col presupuestu y de xuru que nun lo faen ensin razones oscures. El sustitutu del home de la boina ta al cayer y nun ta nidio que seya'l nomáu “a deu” pol líder popular de toles Asturies. Camienta Arturín, el casquista, presentase tamién y esta vegada ye perposible que la bancada progre-y de los sos sofitos, ente otres razones porque ya nun hai Tini que guardar. Entós la fórmula máxica qu’alcontraron dende’l PP ye evidente: pa que Mesa nun se presente, afogamos a Cascos y que seya esti ‘l que convenza a Arturín pa quedase en casa. Con esti “movimientu” hai, otra vegada, un garapiellu bonu de perxudicaos: los asturianos, como enantes, como siempres.
Ye’l preciu que tenemos que pagar por tar sofitando, dende 1977, a una serie de xentes ensin más interés que la so poltrona ya’l sueldu correspondiente. Xentes ensin oficiu ya ensin beneficiu, que fixeron de la política la forma de fartase, presumir y mercar casines de veranéu en Lleón o pel Mediterráneo.
Delles vegaes, prestaríame ser alemán. O británicu. Asina nun vería dellos caramiellos de los que ya toi abondo cansu de ver. “Nesos llugares tamién hai xostrones” dirá muncha xente. Sí, pero polo menos ente babayada y babayada faen daqué bono pol país. Equí nun faen más que babayaes. Vais velo darréu cola eleición del “socesor”. Siguimos pa bingu...
viernes, 20 de enero de 2012
Xente con morru
Diz, con abondo morru, l'agora President de la Generalitat Valenciana que la culpa del xabaz déficit de la so Comunidá ye “del PSOE”. Fai cuatro llexislatures que tan gobernando los “populares”, toes con mayoría absoluta, pero la culpa, tamién, ye de ZP. Esti home ye’l diañu: tovía nun yera más qu’un diputáu rasu pero ya xingaba a esgaya al President valenciá de turnu.
Ta nidio que facer una carrera de F1 nun foi una decisión de los xestores valencianos, sinón que foi ZP quien-yos pusu una pistola na tiesta pa qu’aceptaren la ufierta del collaciu Ecclestone (sí, el mesmu que dixo fai cinco años que diba haber F1 en Valencia “siempres que gobernare Camps”) Ye más, ZP ye responsable de que, col ablucante déficit qu’hai na rexón qu’obliga a recortes xabaces, esti añu torne de nuevu el “circu” a Valencia.
Tamién foi ZP el “inventor” d’ún equipamientu pernecesariu pa la rexón: el parque “Terra Mítica”. Zaplana primero y llueu Camps dixeron delles vegaes que nun yera necesariu, pero ZP fizo oyíos sordos ya’l parque fíxose y ellí ta.
El “aeropuertu peatonal” de Castellón nun foi culpa de ZP, pero de xuru que'l sociata s’apaeció en suaños a Fabra pa ordena-y que lo fixera y que lo rematara cola so estatua. Ye verdá que'lsuertudu presidente de la Diputación envede poner la estatua de ZP puso la de so, pero ye tamién por culpa ZP, que nun foi abondo nidio nes esplicaciones.
El casu ye que la Generalitat ta en ruina pero los que tan xingaos son la xente que trabaya ellí (funcionarios y llaborales abondo mangantes, como ye persabío) y la xente de la cai, que ye la máxima responsable como votante. Los que sufrieron el “glamour” de los grandes eventos pagaos coles perres de toos nun son los culpables: ye ZP.
Ta nidio que facer una carrera de F1 nun foi una decisión de los xestores valencianos, sinón que foi ZP quien-yos pusu una pistola na tiesta pa qu’aceptaren la ufierta del collaciu Ecclestone (sí, el mesmu que dixo fai cinco años que diba haber F1 en Valencia “siempres que gobernare Camps”) Ye más, ZP ye responsable de que, col ablucante déficit qu’hai na rexón qu’obliga a recortes xabaces, esti añu torne de nuevu el “circu” a Valencia.
Tamién foi ZP el “inventor” d’ún equipamientu pernecesariu pa la rexón: el parque “Terra Mítica”. Zaplana primero y llueu Camps dixeron delles vegaes que nun yera necesariu, pero ZP fizo oyíos sordos ya’l parque fíxose y ellí ta.
El “aeropuertu peatonal” de Castellón nun foi culpa de ZP, pero de xuru que'l sociata s’apaeció en suaños a Fabra pa ordena-y que lo fixera y que lo rematara cola so estatua. Ye verdá que'lsuertudu presidente de la Diputación envede poner la estatua de ZP puso la de so, pero ye tamién por culpa ZP, que nun foi abondo nidio nes esplicaciones.
El casu ye que la Generalitat ta en ruina pero los que tan xingaos son la xente que trabaya ellí (funcionarios y llaborales abondo mangantes, como ye persabío) y la xente de la cai, que ye la máxima responsable como votante. Los que sufrieron el “glamour” de los grandes eventos pagaos coles perres de toos nun son los culpables: ye ZP.
domingo, 15 de enero de 2012
El paru y una tertulia
Dicía esti día na tele una periodista de fama internacional (trabaya n’Intereconomía y ente los sos “ésitos” ta asegurar que de siguío de que ganara Rajoy les eleiciones baxaba la “prima riesgu” 200 puntos, col resultáu de toos conocíu) y d’apellíu Tomás, que, por enriba de tolos derechos llaborales que se fueron algamando dende cuantayá y que costaron a muncha xente dolor, llárimes y abondes hosties, ta'l derechu a tener xera.
Verdá ye qu'ensin trabayu nun hai seguridá llaboral que valga, pero paez que naide cai en que, pol fechu del xabaz paru que sufrimos, nun hai que tornar, de nuevu, a la esclavitud. Nun paez de recibu que seya la xente probe la que pon los dos papos pa recibir les bofetaes mientres los empresarios y la xente que nun cotiza al IRPF ca vegada ganen más y paguen menos. Tan estos díes los sindicatos y los empresarios falando d’una “reforma llaboral” que ya dixo'l Presidente que diba facer darréu, con alcuerdu o ensin él. Los cabezaleros de la CEOE nun tienen un res d'interés en pautar, porque paez-yos, como asina va ser, que’l Gobiernu va arrimar pa ellos. Como ya dixi n’otru post d’esti mesmu blog, toi seguru qu'una reforma llaboral nun va dar xera, sinón quita-y derechos a los trabayadores que los tienen. Si ún de les metes de toles sociedaes modernes ye meyorar les condiciones de la xente con más llaceries pa igualala coles de los ciudadanos más acomodaos, nesti estáu tan dando-y la vuelta y el Gobiernu, col sofitu absolutu de los medios de la derecha, puxa por igualar los derechos de quien tien daqué seguru col guah.e que tien un contratu basoria a tiempu parcial y col salariu mínimu agora conxeláu.
Esi ye, tamién, otru fin qu'asoleyen dende la derecha y que, como bona “voz del so amu” defendió la tertuliana enantes nomada: xeneralizar lo que dan en nomar “minijobs”, o seya, lo que toos nomamos fai abondo tiempu “xera a tiempu parcial”, cola escusa de que “n’Alemania hai siete millones de trabayadores asina”. Namás faen alcordanza d’Alemania pa lo malo, enxamás, por exemplu, pa igualanos los sueldos colos teutones. Pero ye que, amás, naide s’entruga quien ya en qué condiciones trabaya ellí a tiempu parcial. Si ún de los miembros d’una parexa tien un emplegu “a tiempu completu”, pode convenir al otru un “minijob”, o un mozu que ta colos pás, pero un pá o una ma de familia, nun ye afayadizu que trabaye asina, pa entamar porque nun.y alcancen les perres pa pagar l’alquiler o la hipoteca. El “minijob” tien que ser daqué voluntariu, non el caberu fin de tolos paraos.
Faló tamién un collaciu de l'antedicha, Conseyeru nesa autonomía tan dinámica y perpoco empufada que ye Murcia, faciendo un paralelismu ente la economía ya’l deporte, y dixo que pa “poner un cuerpu pa competir, hai qu’entamar por adelgazalu pa llueu ponelu en forma”. En asturianu: xingas toos pasando fame pa llueu ver si esi “cuerpu” acaba por ser un atleta d’élite. Pero hai dos problemes: non tolos “cuerpos” valen pa llegar a la “élite” y, sobre too, pa “educar” a esi atleta fai falta un “entrenador” que valga. La primer torga ta perdifícil, pero la segunda ye, a día de güei, una quimera. Y, pa enriba, igual l'atleta se nos muerre de fame de tanto “adelgazalu”...
Verdá ye qu'ensin trabayu nun hai seguridá llaboral que valga, pero paez que naide cai en que, pol fechu del xabaz paru que sufrimos, nun hai que tornar, de nuevu, a la esclavitud. Nun paez de recibu que seya la xente probe la que pon los dos papos pa recibir les bofetaes mientres los empresarios y la xente que nun cotiza al IRPF ca vegada ganen más y paguen menos. Tan estos díes los sindicatos y los empresarios falando d’una “reforma llaboral” que ya dixo'l Presidente que diba facer darréu, con alcuerdu o ensin él. Los cabezaleros de la CEOE nun tienen un res d'interés en pautar, porque paez-yos, como asina va ser, que’l Gobiernu va arrimar pa ellos. Como ya dixi n’otru post d’esti mesmu blog, toi seguru qu'una reforma llaboral nun va dar xera, sinón quita-y derechos a los trabayadores que los tienen. Si ún de les metes de toles sociedaes modernes ye meyorar les condiciones de la xente con más llaceries pa igualala coles de los ciudadanos más acomodaos, nesti estáu tan dando-y la vuelta y el Gobiernu, col sofitu absolutu de los medios de la derecha, puxa por igualar los derechos de quien tien daqué seguru col guah.e que tien un contratu basoria a tiempu parcial y col salariu mínimu agora conxeláu.
Esi ye, tamién, otru fin qu'asoleyen dende la derecha y que, como bona “voz del so amu” defendió la tertuliana enantes nomada: xeneralizar lo que dan en nomar “minijobs”, o seya, lo que toos nomamos fai abondo tiempu “xera a tiempu parcial”, cola escusa de que “n’Alemania hai siete millones de trabayadores asina”. Namás faen alcordanza d’Alemania pa lo malo, enxamás, por exemplu, pa igualanos los sueldos colos teutones. Pero ye que, amás, naide s’entruga quien ya en qué condiciones trabaya ellí a tiempu parcial. Si ún de los miembros d’una parexa tien un emplegu “a tiempu completu”, pode convenir al otru un “minijob”, o un mozu que ta colos pás, pero un pá o una ma de familia, nun ye afayadizu que trabaye asina, pa entamar porque nun.y alcancen les perres pa pagar l’alquiler o la hipoteca. El “minijob” tien que ser daqué voluntariu, non el caberu fin de tolos paraos.
Faló tamién un collaciu de l'antedicha, Conseyeru nesa autonomía tan dinámica y perpoco empufada que ye Murcia, faciendo un paralelismu ente la economía ya’l deporte, y dixo que pa “poner un cuerpu pa competir, hai qu’entamar por adelgazalu pa llueu ponelu en forma”. En asturianu: xingas toos pasando fame pa llueu ver si esi “cuerpu” acaba por ser un atleta d’élite. Pero hai dos problemes: non tolos “cuerpos” valen pa llegar a la “élite” y, sobre too, pa “educar” a esi atleta fai falta un “entrenador” que valga. La primer torga ta perdifícil, pero la segunda ye, a día de güei, una quimera. Y, pa enriba, igual l'atleta se nos muerre de fame de tanto “adelgazalu”...
viernes, 13 de enero de 2012
Ventaxes de la monarquía
Hai nel diariu “La Nueva España”, voceru oficial del nuevu Delegáu del Gobiernu, un paisanu que, dacuando, escribe coses perinteresantes. Nómase Ignacio Gracia Noriega y ye, a la par qu’articulista, cronista oficial de Llanes por sentencia xudicial. La so páxina web, nun tien noxu en falar de si mesmu como si d’otru se tratara, presentándose como “fecundu, críticu, orixinal ya independiente”. Yera bono qu’amestara tamién la virtú de “modestu”.
Fala esti home na cabera “collaboración” col diariu uvieín de “la murnia'l rei”. Afirma, ensin más sofitu que la so pallabra, que la monarquía ye “la única institución española que, dende 1975, se mantien con dignidá irreprochable y prestixu ascendiente”. De xuru que don Ignacio nun ta abondo informáu (suel pasa-yos a los que camienten tar en posesión de la verdá) y nun ta al cabu la cai del sondéu del CIS, apaecíu va poco, que dicía que la xente, por primera vegada, suspendía la monarquía. Ta nidio que nun lo conoz, porque de siguío afirma que l’Exércitu ye agora una “ONG de vergoña”, y nel sondéu ye l’únicu que merez el sofitu los ciudadanos. A lo meyor a don Ignacio prestába-y muncho más un Exércitu más apegáu al pueblu, pa controlalo dafechu, que ya se sabe que la xente si nun la controles vuélvese roxa.
Llueu entama a falar de Roldán, Rubalcaba y Trevín que, como toos sabemos son el diañu, pa xustificar el fechu de qu'Urdangarín amase millones ensin dar palu al agua a la sombra d’una corona. Igual tenía que nomar tamién a Matas y Camps que son los que-y dieron les perres de forma presuntamente illegal. Pero como esos nun son el diañu, nin los menta. A lo meyor ye porque nun veranien en Llanes y si dalguna vegada vinieron por Asturies ye a fartase de papu, asina que nun los considera, don Ignacio, dignos de falar d’ellos.
Más alantre, sienta cátedra cola afirmación, tamién “porque él lo val”, de que la monarquía ye superior a la república, porque ye “un mitu”, demientres que la otra ye “una abstracción”. Tien, amás, una ventaxa: resuelve la socesión de manera “barata, automática y efectiva” y d’esta manera nun faen falta “procesos eleutorales” que traen “gastos y retórica”. Pescancio yo que, ya puestos a aforrar gastos eleutorales, igual yera bono que los diputaos los nomara direutamente'l rei, asina como'l Presidente del Gobiernu, mui al gustu de les dictadures, y si llogramos qu’esti fuera sucedíu pol so fíu tamién, ya sería una folixa total. Hai abonda xente que camienta esto, pero llueu nun se corten un res en dicir qu’en Corea del Norte hai una dictadura comunista, llaceriante y xabaz porque al pá sucediólu'l fíu y agora'l nietu. Non, ho, ye que tan “aforrando”…
Ya finando, sostién que'l fíu del rei “ta educáu pa ser rei”, pero un presidente la República “nun tien porqué ser el meyor nin el más conveniente” sinón “el más útil al partíu. El fíu del rei sí, un cabe dubia nenguna que ye'l meyor: ye fíu’l so pá y ye abondo. A don Ignacio escaecese-y qu'al Presidente nun lo pon un partíu sinón los votantes. Sedrá cuestión de falta de cultura democrática.
El remate ye ablucante: la monarquía garantiza que “nin Felipe González nin Aznar van ser enxamás Xefe d’Estáu”. Pa mexar y nun echar gota. Nesti país, el que tien el mando de verdá, el que tien poder, el que pode facer y desfacer, ye’l Presidente del Gobiernu. y esi cargu foi ocupáu por eses dos persones que dan tanta llercia, dempués de ganar les correspondientes eleiciones. El rei nin manda nin ordena: namás ta pa firmar les lleis y tien que facelo en quince díes, quiera o non. González y Aznar fueron Presidentes del Gobiernu y echólos la xente cuando-y petó. Al rei nun hai forma d'echalu, seya como seya y faiga lo que faiga y eso ye perpoco democráticu. Entérese usté, don Ignacio.
Fala esti home na cabera “collaboración” col diariu uvieín de “la murnia'l rei”. Afirma, ensin más sofitu que la so pallabra, que la monarquía ye “la única institución española que, dende 1975, se mantien con dignidá irreprochable y prestixu ascendiente”. De xuru que don Ignacio nun ta abondo informáu (suel pasa-yos a los que camienten tar en posesión de la verdá) y nun ta al cabu la cai del sondéu del CIS, apaecíu va poco, que dicía que la xente, por primera vegada, suspendía la monarquía. Ta nidio que nun lo conoz, porque de siguío afirma que l’Exércitu ye agora una “ONG de vergoña”, y nel sondéu ye l’únicu que merez el sofitu los ciudadanos. A lo meyor a don Ignacio prestába-y muncho más un Exércitu más apegáu al pueblu, pa controlalo dafechu, que ya se sabe que la xente si nun la controles vuélvese roxa.
Llueu entama a falar de Roldán, Rubalcaba y Trevín que, como toos sabemos son el diañu, pa xustificar el fechu de qu'Urdangarín amase millones ensin dar palu al agua a la sombra d’una corona. Igual tenía que nomar tamién a Matas y Camps que son los que-y dieron les perres de forma presuntamente illegal. Pero como esos nun son el diañu, nin los menta. A lo meyor ye porque nun veranien en Llanes y si dalguna vegada vinieron por Asturies ye a fartase de papu, asina que nun los considera, don Ignacio, dignos de falar d’ellos.
Más alantre, sienta cátedra cola afirmación, tamién “porque él lo val”, de que la monarquía ye superior a la república, porque ye “un mitu”, demientres que la otra ye “una abstracción”. Tien, amás, una ventaxa: resuelve la socesión de manera “barata, automática y efectiva” y d’esta manera nun faen falta “procesos eleutorales” que traen “gastos y retórica”. Pescancio yo que, ya puestos a aforrar gastos eleutorales, igual yera bono que los diputaos los nomara direutamente'l rei, asina como'l Presidente del Gobiernu, mui al gustu de les dictadures, y si llogramos qu’esti fuera sucedíu pol so fíu tamién, ya sería una folixa total. Hai abonda xente que camienta esto, pero llueu nun se corten un res en dicir qu’en Corea del Norte hai una dictadura comunista, llaceriante y xabaz porque al pá sucediólu'l fíu y agora'l nietu. Non, ho, ye que tan “aforrando”…
Ya finando, sostién que'l fíu del rei “ta educáu pa ser rei”, pero un presidente la República “nun tien porqué ser el meyor nin el más conveniente” sinón “el más útil al partíu. El fíu del rei sí, un cabe dubia nenguna que ye'l meyor: ye fíu’l so pá y ye abondo. A don Ignacio escaecese-y qu'al Presidente nun lo pon un partíu sinón los votantes. Sedrá cuestión de falta de cultura democrática.
El remate ye ablucante: la monarquía garantiza que “nin Felipe González nin Aznar van ser enxamás Xefe d’Estáu”. Pa mexar y nun echar gota. Nesti país, el que tien el mando de verdá, el que tien poder, el que pode facer y desfacer, ye’l Presidente del Gobiernu. y esi cargu foi ocupáu por eses dos persones que dan tanta llercia, dempués de ganar les correspondientes eleiciones. El rei nin manda nin ordena: namás ta pa firmar les lleis y tien que facelo en quince díes, quiera o non. González y Aznar fueron Presidentes del Gobiernu y echólos la xente cuando-y petó. Al rei nun hai forma d'echalu, seya como seya y faiga lo que faiga y eso ye perpoco democráticu. Entérese usté, don Ignacio.
martes, 10 de enero de 2012
El nuevu Xénesis
…Y camentó‘l Señor que Gabino taba cansu de l'alcaldía y nomólu “Delegáu del Gobiernu”, y vió’l Señor que taba bien fechu y escureció y riscó, octavu día…
La verdá ye que nun sabemos si lo que-y petaba al Señor yera separtar a Gabino d'un puestu nel que taba, dende cuantayá, siendo un pilancu pa la rexeneración del so partíu n’Asturies, ca vegada más atapecíu y amurniáu. Ye tamién Gabino l'exemplu máximu del despilfarru y del gastu ensin control de clas nengún, dexando nes manes del so socesor un pufu desaxeráu que naide sabe como nin cuando va pagase.
Otru asuntu ye l’entendimientu, obligáu ente partíos asemeyaos política ya ideolóxicamente, col Foro de Cascos, dempués de qu'esti diera un revolcón pergrande al PP nes eleiciones, siendo Gabino ún de los culpables, si non el más, de la dixebra de la derecha nel nuesu país. Ye sonroxante facer alcordanza del agora Delegáu en febreru de 2010 allabando a Cascos con aquelles pallabres tan concluyentes: “ye un galácticu de la política”, pa de sópitu camudar y dicir ensin rubor que yera “un xubiláu” y “un traidor al partíu”. Les eleiciones, como ya pasara nel 2008 cuando'l propiu Gabino foi cabezaleru na candidatura’l PP, punxeron a caún en so sitiu: Cascos ganó y Gabino perdió la mayoría absoluta cola que facía y desfacía lo que-y petaba nel so conceyu.
La verdá ye que’l puestu de Delegáu del Gobiernu ta abondo desprestixáu nesti país. Dende qu'Aznar nomó a l'agora diputada Cherines Fernández, una muyer que namás tenía l’enfotu de ser alcaldesa de Xixón y perdió delles vegaes con Areces y con Felgueroso, y qu'algamó esi puestu como premiu al servilismu a Cascos (entós el mandamás del PP) pa llueu vese envuelta nel xaréu de la dinamita’l 11-M (como máxima xefa de la Policía), fasta que ZP nomó a Trevín, expresidente d’Asturies, socediendo al inefable Rodríguez-Vigil (dimitíu a resultes del escándalu del “petromochu”) y gran derrotáu nes eleiciones qu'encumaron a Marqués a la Presidencia, paez que la poltrona de Delegáu ye pa dinosaurios. Y el nomamientu de Gabino nun fai sinón confirmalo.
Nel actu de toma de posesión, hubo cares llargues y saludos fríos, pero ta nidio qu’al final, tolo qu’importa ye’l cargu, Cascos tien el de so, Gabino tien el de so, toos tienen el de so. Y a los asturianos que nos xinguen.
La verdá ye que nun sabemos si lo que-y petaba al Señor yera separtar a Gabino d'un puestu nel que taba, dende cuantayá, siendo un pilancu pa la rexeneración del so partíu n’Asturies, ca vegada más atapecíu y amurniáu. Ye tamién Gabino l'exemplu máximu del despilfarru y del gastu ensin control de clas nengún, dexando nes manes del so socesor un pufu desaxeráu que naide sabe como nin cuando va pagase.
Otru asuntu ye l’entendimientu, obligáu ente partíos asemeyaos política ya ideolóxicamente, col Foro de Cascos, dempués de qu'esti diera un revolcón pergrande al PP nes eleiciones, siendo Gabino ún de los culpables, si non el más, de la dixebra de la derecha nel nuesu país. Ye sonroxante facer alcordanza del agora Delegáu en febreru de 2010 allabando a Cascos con aquelles pallabres tan concluyentes: “ye un galácticu de la política”, pa de sópitu camudar y dicir ensin rubor que yera “un xubiláu” y “un traidor al partíu”. Les eleiciones, como ya pasara nel 2008 cuando'l propiu Gabino foi cabezaleru na candidatura’l PP, punxeron a caún en so sitiu: Cascos ganó y Gabino perdió la mayoría absoluta cola que facía y desfacía lo que-y petaba nel so conceyu.
La verdá ye que’l puestu de Delegáu del Gobiernu ta abondo desprestixáu nesti país. Dende qu'Aznar nomó a l'agora diputada Cherines Fernández, una muyer que namás tenía l’enfotu de ser alcaldesa de Xixón y perdió delles vegaes con Areces y con Felgueroso, y qu'algamó esi puestu como premiu al servilismu a Cascos (entós el mandamás del PP) pa llueu vese envuelta nel xaréu de la dinamita’l 11-M (como máxima xefa de la Policía), fasta que ZP nomó a Trevín, expresidente d’Asturies, socediendo al inefable Rodríguez-Vigil (dimitíu a resultes del escándalu del “petromochu”) y gran derrotáu nes eleiciones qu'encumaron a Marqués a la Presidencia, paez que la poltrona de Delegáu ye pa dinosaurios. Y el nomamientu de Gabino nun fai sinón confirmalo.
Nel actu de toma de posesión, hubo cares llargues y saludos fríos, pero ta nidio qu’al final, tolo qu’importa ye’l cargu, Cascos tien el de so, Gabino tien el de so, toos tienen el de so. Y a los asturianos que nos xinguen.
lunes, 9 de enero de 2012
L'otru Aguirre
A Ana Pastor, presentadora de “Los Desayunos” de TVE, queden-y cuatro telediarios, enxamás meyor dicho. Esta rapaza ye, dafechu, la periodista más “incisiva” colos políticos que sienta na so mesa y va costá-y el puestu. Na primer entrevista dempués de les vacaciones de navidá, l’invitáu foi un tal Ramón Aguirre, voceru axuntu del PP nel Congresu, que tornó, como pudo, les acometíes d'Ana y los collacios periodistes (una d’ellos del diariu “El Mundo”) alrodiu de la xubida d’impuestos.
Echáben-y en cara a Aguirre que, per más que los agora ministros llevaben dende cuantayá falando del “déficit”, Rajoy nun tuvo torga nenguna en prometer nel so discursu d’investidura que “nun diba a tocar la tributación”. El probe Ramón, lluchó a brazu partíu pa borrar la imaxe d'incumplidor del so cabezaleru, abellugándose, ¿como non?, na “herencia” que da títulu a esti modestu blog y esnidiando que l'agora presidente dixo “si nun había sorpreses” y al paecer habíales: el déficit del Estáu yera un 0,3% mayor del esperáu, demientres que’l de les Comunidaes, 14 de 17 gobernaes pol propiu PP o sos “socios” taba disparáu (ya’l probe Mariano nun lo sabía) …
Entrugáu darréu por esi déficit, entamó a glosar les maraviyes que ta faciendo la Cospedal en Castiella-La Mancha, esquivando dafechu a Valencia, que ye la más endeudada de toes. Dempués d'abondos “capotazos”, finó por falar de “la iniciativa d’aforru” que presentó Fabra, escaeciendo que púnxose a facela de siguío de la de Rajoy, cuando’l desparrame ye dende cuantayá.
Tando ya acabante la entrevista, esti paisanu nun tuvo inconveniente nengún en cubrise de gloria: de la qu'Ana y los sos collacios falaron delles vegaes de que la xubida del IRPF nun afeutaba a los más ricos sinón a los probes y “clases medies” y que naide s’atrevía a mete-yos caña, dixo ensin rubor nengún: “Si usté lo que ta entrugándome ye l'impuestu pa ricos, yo personalmente considero que, nesti momentu, hai qu'atopar un impuestu que tenga una capacidá de recaudación darréu y rápida y esti impuestu ye l'IRPF” (min 55-56 del videu). A los ricos cuesta a esgaya saca-yos les perres, al paecer. Lo fácil ye sacá-yosles a los probes. Igual ye por eso que son ricos: porque nun hai político nengún colos coyones abondos pa garra-yos les perres.
Echáben-y en cara a Aguirre que, per más que los agora ministros llevaben dende cuantayá falando del “déficit”, Rajoy nun tuvo torga nenguna en prometer nel so discursu d’investidura que “nun diba a tocar la tributación”. El probe Ramón, lluchó a brazu partíu pa borrar la imaxe d'incumplidor del so cabezaleru, abellugándose, ¿como non?, na “herencia” que da títulu a esti modestu blog y esnidiando que l'agora presidente dixo “si nun había sorpreses” y al paecer habíales: el déficit del Estáu yera un 0,3% mayor del esperáu, demientres que’l de les Comunidaes, 14 de 17 gobernaes pol propiu PP o sos “socios” taba disparáu (ya’l probe Mariano nun lo sabía) …
Entrugáu darréu por esi déficit, entamó a glosar les maraviyes que ta faciendo la Cospedal en Castiella-La Mancha, esquivando dafechu a Valencia, que ye la más endeudada de toes. Dempués d'abondos “capotazos”, finó por falar de “la iniciativa d’aforru” que presentó Fabra, escaeciendo que púnxose a facela de siguío de la de Rajoy, cuando’l desparrame ye dende cuantayá.
Tando ya acabante la entrevista, esti paisanu nun tuvo inconveniente nengún en cubrise de gloria: de la qu'Ana y los sos collacios falaron delles vegaes de que la xubida del IRPF nun afeutaba a los más ricos sinón a los probes y “clases medies” y que naide s’atrevía a mete-yos caña, dixo ensin rubor nengún: “Si usté lo que ta entrugándome ye l'impuestu pa ricos, yo personalmente considero que, nesti momentu, hai qu'atopar un impuestu que tenga una capacidá de recaudación darréu y rápida y esti impuestu ye l'IRPF” (min 55-56 del videu). A los ricos cuesta a esgaya saca-yos les perres, al paecer. Lo fácil ye sacá-yosles a los probes. Igual ye por eso que son ricos: porque nun hai político nengún colos coyones abondos pa garra-yos les perres.
domingo, 8 de enero de 2012
A la gueta un bachiller...
Diz Esperanza Aguirre, falando p'ABC, que’l socesor de Rajoy “ta faciendo agora’l bachilleratu”. Paezme que va ser pa tar una migayina más preparáu que’l sucedíu, porque ye en verdá incomprensible qu’ún llicenciáu en Derechu, rexistrador de la Propiedá, col númberu ún, muestre tan poques lluces. Toi por apostar lo que seya porque, tando les coses como tan y como van ponese coles nueves “midíes” desta xente, nun fina la llexislatura y tien que ponese un “tecnócrata” como socedió n’Italia y Grecia. Al tiempu…
La “lideresa” nun asperaba ser ministra, al paecer, porque “ya lo foi” pero hai delles coses que nun s'escaecen como que Gallardón “fai cuantayá que quier ser ministru”. Sí escaez, en cambiu, la griesca que montó nel 2008 a la escontra del so, agora, “amáu líder”, diciendo que yera porque camentaba, de la que salió al corredor de Génova, que diba a marchase pa la so casa, pero llueu al velu cola intención de siguir sofitólu darréu porque “nun toi dispuesta a tirar del caballu al líder del mio partíu”, como si la xente hubiere escaecío dafechu la “encerrona” que fixo Rajoy en Valencia cola andecha de Camps “el de los traxes”.
Como ye davezu, el nuevu Gobiernu paece-y “formáu y con esperiencia”. De xuru que tien qu'haber opiniones de toles clases, tovía más si de siguío afirmes que “va sacanos de la crisis”. Eso ye optimismu y tolo demás cuentos.
Pa finar, regalu envenenáu pa Gallardón y Rajoy: “Soi partidaria de baxar los impuestos y él [Gallardón] nun siempre los baxó”. De la cabera xubida de Rajoy nun dixo ná pero debe tar a la escontra de xuru, anque’l periodista, como nun podía ser d’otra manera trabayando pal mediu nel que ta, tampoco-y entrugó, y nun vayamos a sabelo enxamás. Una llástima, ¿non?
La “lideresa” nun asperaba ser ministra, al paecer, porque “ya lo foi” pero hai delles coses que nun s'escaecen como que Gallardón “fai cuantayá que quier ser ministru”. Sí escaez, en cambiu, la griesca que montó nel 2008 a la escontra del so, agora, “amáu líder”, diciendo que yera porque camentaba, de la que salió al corredor de Génova, que diba a marchase pa la so casa, pero llueu al velu cola intención de siguir sofitólu darréu porque “nun toi dispuesta a tirar del caballu al líder del mio partíu”, como si la xente hubiere escaecío dafechu la “encerrona” que fixo Rajoy en Valencia cola andecha de Camps “el de los traxes”.
Como ye davezu, el nuevu Gobiernu paece-y “formáu y con esperiencia”. De xuru que tien qu'haber opiniones de toles clases, tovía más si de siguío afirmes que “va sacanos de la crisis”. Eso ye optimismu y tolo demás cuentos.
Pa finar, regalu envenenáu pa Gallardón y Rajoy: “Soi partidaria de baxar los impuestos y él [Gallardón] nun siempre los baxó”. De la cabera xubida de Rajoy nun dixo ná pero debe tar a la escontra de xuru, anque’l periodista, como nun podía ser d’otra manera trabayando pal mediu nel que ta, tampoco-y entrugó, y nun vayamos a sabelo enxamás. Una llástima, ¿non?
viernes, 6 de enero de 2012
La "prima"...
Dicen los medios dixitales que la “prima riesgu” del Estáu ta xubiendo y algama ya los 385 puntos básicos. Ye una permala noticia pal Gobiernu, que cai agora na cuenta de que’l fechu de que ganara’l PP les eleiciones nun ye abondo pa contener la voracidá de los mercaos.
Ye xustu facer alcordanza agora de les pallabres d'una señora, de nome Carmen Tomás, nesi mediu tan “independiente” que ye Intereconomía, dando-yos a los espectadores razones, si ye que-yos facíen falta, pa votar al PP: “al otru día de ganar Mariano, baxa la prima riesgu 200 puntos”. Y non, a los especuladores foriatos nun-yos impresiona Mariano. Ye más, tampoco lo fai'l tecnócrata qu'ellos mesmos pusieron n’Italia: la prima d’esi país ta desbocada tamién.
Sorprendi, de toles menes, que los mesmos que falaben de que tábemos “nel borde de la intervención” fai poco más d’ún mes, tean agora callaos como muertos. Ye verdá que nun ye lo mesmo que tea ún u otru, porque l’otru “improvisaba” y esti tien pernidio lo que tien que facer: facilita la compra de vivienda por un llau y xube l’IBI pol otru (pa compensar), xube’l 1% delles pensiones y xube tamién l’IRPF (como compensación), torga’l pagu n’efectivo (dempués de criticar delles vegaes al primero que faló d’ello na cabera campaña eleutoral) y anuncia que va a facer un siguimientu “de los pagos con tarxeta”… Equí nun hai contradiciones, equí faise asina A CONCIENCIA. Lo peor ye que los “inversores foriatos” nun tan al cabu la cai de les maneres de tomar midíes de Rajoy. Ehí tamos perdíos: la xente qu'entiende a Mariano nun ye la que tien perres “a lo grande” y la que tien les perres nun entiende al Presidente. Lo peor ye que si, como dixi enantes, tampoco un “tecnócrata” ye la solución, rezá-y lo que sepáis, collacios…
Ye xustu facer alcordanza agora de les pallabres d'una señora, de nome Carmen Tomás, nesi mediu tan “independiente” que ye Intereconomía, dando-yos a los espectadores razones, si ye que-yos facíen falta, pa votar al PP: “al otru día de ganar Mariano, baxa la prima riesgu 200 puntos”. Y non, a los especuladores foriatos nun-yos impresiona Mariano. Ye más, tampoco lo fai'l tecnócrata qu'ellos mesmos pusieron n’Italia: la prima d’esi país ta desbocada tamién.
Sorprendi, de toles menes, que los mesmos que falaben de que tábemos “nel borde de la intervención” fai poco más d’ún mes, tean agora callaos como muertos. Ye verdá que nun ye lo mesmo que tea ún u otru, porque l’otru “improvisaba” y esti tien pernidio lo que tien que facer: facilita la compra de vivienda por un llau y xube l’IBI pol otru (pa compensar), xube’l 1% delles pensiones y xube tamién l’IRPF (como compensación), torga’l pagu n’efectivo (dempués de criticar delles vegaes al primero que faló d’ello na cabera campaña eleutoral) y anuncia que va a facer un siguimientu “de los pagos con tarxeta”… Equí nun hai contradiciones, equí faise asina A CONCIENCIA. Lo peor ye que los “inversores foriatos” nun tan al cabu la cai de les maneres de tomar midíes de Rajoy. Ehí tamos perdíos: la xente qu'entiende a Mariano nun ye la que tien perres “a lo grande” y la que tien les perres nun entiende al Presidente. Lo peor ye que si, como dixi enantes, tampoco un “tecnócrata” ye la solución, rezá-y lo que sepáis, collacios…
jueves, 5 de enero de 2012
Faciendo cuentes
Güei, al mediudía, taba escuchando a la Vice, Sorayina, falando del “déficit de la Seguridá Social” pa esti añu: el 0,06%, o lo que ye lo mesmo, 668 millones d’euros de ná. De la que taba oyendo, paecióme que la rellación entre 668 y 0,06% nun yera mui normal. Llueu, camentando y falando del tema con otra xente, cayí na cuenta de que si eses cantidaes son reales, el 100% de la recaudación de la S.S. yera la monstruosidá de 1.113.333.000.000 d’euros. Ye necesariu fixase bien: más d’ún billón. Entós diome por “repartir” eses perres ente los “beneficiarios”: (9.278.000 xubilaos en setiembre de 2011): casi 200.000 euros pa caún. ¿Cobren 200.000 euros los pensionistes? De xuru que non. ¿Cuántu cobren? Al paecer, según dalguna páxina, la pensión media ye de 800 euros al mes, asina que'l total de perres pa pensiones sedrá de 800 x 14 x 9.278.000 = 103.913.600.000 euros. O seya, ¡¡sobra un billón d’euros!! Esto va ser qu'hai delles coses más que pagar: ILT, maternidá, etc. Vamos echá-y un güeyu al presupuestu del añu 2011: 124.400.000.000 d’euros. ¿Y si sumamos la sanidá pública? Según diz dalguna web, el presupuestu total ye de 60.000 millones.
Total, qu'equí falla daqué: o'l nuevu Gobiernu “corrió” la coma a sabiendes y pa desaxerar les coses y llueu sotripanos el monederu a dolor o la Sorayina fala ensin sentíu dalgún. O ambes coses a la mesma vegada.
Ye abondo ablucante tamién l’anunciu d’ún “ambiciosu plan” a la escontra’l fraude fiscal, col propósitu de recaudar ¡¡2.000 millones d’euros menos que l'añu acabante!! Eso si ye “ambición” y non otres hestories. Agora sí tenemos un Gobiernu que nun “improvisa” , que sabe dafechu ú tan les prioridaes y como abordales…
Y, a too esto, el Presidente ensin apaecer, nin pescanciar facelo dica febreru, dempués de dir a rindir cuentes al duetu “Merkozy”. Ellos los primeros, por más que llevaba dende cuantayá falando de “soberanía nacional” y de que “les midíes imponíennoslles otros”.
Preparémonos pa lo peor…
Total, qu'equí falla daqué: o'l nuevu Gobiernu “corrió” la coma a sabiendes y pa desaxerar les coses y llueu sotripanos el monederu a dolor o la Sorayina fala ensin sentíu dalgún. O ambes coses a la mesma vegada.
Ye abondo ablucante tamién l’anunciu d’ún “ambiciosu plan” a la escontra’l fraude fiscal, col propósitu de recaudar ¡¡2.000 millones d’euros menos que l'añu acabante!! Eso si ye “ambición” y non otres hestories. Agora sí tenemos un Gobiernu que nun “improvisa” , que sabe dafechu ú tan les prioridaes y como abordales…
Y, a too esto, el Presidente ensin apaecer, nin pescanciar facelo dica febreru, dempués de dir a rindir cuentes al duetu “Merkozy”. Ellos los primeros, por más que llevaba dende cuantayá falando de “soberanía nacional” y de que “les midíes imponíennoslles otros”.
Preparémonos pa lo peor…
Cuando xubir los impuestos yera un "insultu"...
Esti vídeo nun ye de los 90, sinon d'agostu de 2010. Mariano reclamaba que xubir los impuestos yera un insultu a los ciudadanos, porque l'impuestu de sociedades ya'l de la renta ye "más altu que nel restu de países europeos", y los salarios yeren "abondo más curtios que nesos países". Entós, yeren "belixerantes" coles xubides d'impuestos, y dicíen, al alto la lleva, que la xera del gobiernu yera "xubir la renta disponible".
Esti ye, dafechu, el más nídiu exemplu de que, como dicía el mió güelu, una cosa ye predicar ya otra dar trigu. Agora, el nuevu Presidente nun tien torga nenguna en insultanos, alto y nidio, y, lo que ye pior, muncha xente echa fumu peles manes aplaudiéndolu porque "la cosa ta permala". Non, ho. Permala ta cuantaya, lo atristayante ye que namás nos demos cuenta cuando tamos nel poder (o tan los de nos).
Esti ye, dafechu, el más nídiu exemplu de que, como dicía el mió güelu, una cosa ye predicar ya otra dar trigu. Agora, el nuevu Presidente nun tien torga nenguna en insultanos, alto y nidio, y, lo que ye pior, muncha xente echa fumu peles manes aplaudiéndolu porque "la cosa ta permala". Non, ho. Permala ta cuantaya, lo atristayante ye que namás nos demos cuenta cuando tamos nel poder (o tan los de nos).
miércoles, 4 de enero de 2012
Les anuncies de Rajoy y les academies.
Falen dende'l gremiu d'academies de preparación de oposiciones de "llaceria total" pola midía, espublizada fai unos díes, de nun convocar pruebes pa cubrir places nes Alministraciones Públiques. Abondos profesores vense darréu na cola l'INEM dempués de munchos años de xera estable o ven recortáos los ingresos "estra" que completaben los sueldos de caún. Delles fontes, cifren los afectáos en 5000 persones, entre profesores y xente de sofitu. Nun hai dulda que ye una traxedia, una más de les munches que la crisis ta dexando en delles estayes sociales del Estáu.
Ye evidente que esti problema yera perfeutamente evitable si'l gobiernu nun conxelara toa la oferta d'emplegu públicu, decisión abondo populista (la mayoría la xente ta dafechu d'alcuerdu cola idega, dau que tol mundiu camenta que los "funcionarios" nun trabayen un res) que nun va sinon a facer que espoxigue l'emplegu temporal ente los trabayadores públicos al cubrise dafechu con interinos places que nun pueden dexase ensin xente. Interinos que, si se xeneraliza la idega del sustitutu de Camps de recorta-yos xornada llaboral y sueldo, van trabayar por un sueldu abondo curtiu pa vivir ya ensin tener otra xera pa la que dir, dau como tan les coses. De xuru que darreu vamos ver nes oficines, nos hospitales, nes residencies y fasta nos colexos xente trabayando por menos de 600 euros al mes y pa enriba col despidu a la vuelta de la esquina.
Ye evidente que esti problema yera perfeutamente evitable si'l gobiernu nun conxelara toa la oferta d'emplegu públicu, decisión abondo populista (la mayoría la xente ta dafechu d'alcuerdu cola idega, dau que tol mundiu camenta que los "funcionarios" nun trabayen un res) que nun va sinon a facer que espoxigue l'emplegu temporal ente los trabayadores públicos al cubrise dafechu con interinos places que nun pueden dexase ensin xente. Interinos que, si se xeneraliza la idega del sustitutu de Camps de recorta-yos xornada llaboral y sueldo, van trabayar por un sueldu abondo curtiu pa vivir ya ensin tener otra xera pa la que dir, dau como tan les coses. De xuru que darreu vamos ver nes oficines, nos hospitales, nes residencies y fasta nos colexos xente trabayando por menos de 600 euros al mes y pa enriba col despidu a la vuelta de la esquina.
martes, 3 de enero de 2012
La teoría'l descarte...
Diz güei el flamante minustru De Guindos que "descarta una xubida inminente del IVA". Da una migayina de llercia, ya nun solo que fale del IVA (colo que paez "preparar" a la xente pa que nun la pille de sutrucu) sinon que lo faga emplegando la pallabra "inminente", que dexa abondo nidio que ye ún de les prósimes midíes de Rajoy.
Presta facer alcordanza d'aquel mítin de "los chuches", onde Rajoy, entós candidatu, emplegó un neñu que elli taba pa criticar la xubida que ficieron otros y xurar n'hebreu qu'él nun diba facer daqué asemeyao. Ye más, nel colmo la desfachatez, atrevióse a acusar al otru de ocultar la xubida d'impuestos na campaña eleutoral. Más focicu nun puede tenese.
Presta facer alcordanza d'aquel mítin de "los chuches", onde Rajoy, entós candidatu, emplegó un neñu que elli taba pa criticar la xubida que ficieron otros y xurar n'hebreu qu'él nun diba facer daqué asemeyao. Ye más, nel colmo la desfachatez, atrevióse a acusar al otru de ocultar la xubida d'impuestos na campaña eleutoral. Más focicu nun puede tenese.
lunes, 2 de enero de 2012
Lo qu'escaeció Soraya
Dempués del Conseyu Ministros del 30 d'avientu, apaeció Soraya, la "vice", a dexar nidies les nueves midíes del Gobiernu: xubida d'impuestos, xubida de les pensiones un 1%, xubida del IBI, conxelación de salarios de funcionarios, no cubrimientu de vacantes nes Alministraciones, y tal y tal...
Pero a Sorayina escaecióse-y una cosina, que apaeció el día nuechevieya nel BOE y que nun foi, de xuru, ensin querer. Nun ye una migayina, precisamente: ye l'establecimientu d'un fondu de 100.000 millones de eurinos pa los banqueros. Sí esos mesmos banqueros que llueu se blinden los contratos con decenes de millones, o que reparten abondos dividendos y stock-options ente los directivos y los accionistes, demientres afuegan el créitu a los trabayadores y les empreses porque "son poco solventes" o "tamos en crisis". Ablucante.
Por otru llau, dixo güei De Guindos, Ministru d'economía, que "si nun xubieremos los impuestos, nos lo hubieren impuesto otros". Cuando el que siguía les directrices d'Europa yera ZP, llamábenlu "una marioneta". Agora ye "pa salvar el país". Cuestión de clas...
Pero a Sorayina escaecióse-y una cosina, que apaeció el día nuechevieya nel BOE y que nun foi, de xuru, ensin querer. Nun ye una migayina, precisamente: ye l'establecimientu d'un fondu de 100.000 millones de eurinos pa los banqueros. Sí esos mesmos banqueros que llueu se blinden los contratos con decenes de millones, o que reparten abondos dividendos y stock-options ente los directivos y los accionistes, demientres afuegan el créitu a los trabayadores y les empreses porque "son poco solventes" o "tamos en crisis". Ablucante.
Por otru llau, dixo güei De Guindos, Ministru d'economía, que "si nun xubieremos los impuestos, nos lo hubieren impuesto otros". Cuando el que siguía les directrices d'Europa yera ZP, llamábenlu "una marioneta". Agora ye "pa salvar el país". Cuestión de clas...
domingo, 1 de enero de 2012
L'embuste de la "reforma llaboral" como fonte d'emplegu
Nesti país, onde hai milenta tipos de contratos llaborales, cuasi toos nel llímite del emplegu basoria, ¿ye necesaria una reforma llaboral pa da-yos modo a los paraos? Yo pescancio que non. El fin caberu d'esa reforma nun ye da-y un contratu basoria a un guah.e (esi contratu esiste yá) sinon quita-yos derechos llaborales a los trabayadores que, agora mesmo, tienen un puestu trabayu mínimamente decente, pa poder ponelos na cai con menos torgues.
Esa priesa que-y entró al Presi pa facer, enantes del 6 de xineru, lo que cuantayá ta pidiéndo-y la patronal, col inefable, y babayu abondo, Rosell y el tovía más impresentable Arturín Fernández ye a esgaya sospechosa. Vamos ver, de siguío, si baxa'l paru o namás camuden un trabayador con derechos por otru ensin ellos. Lo que ta nidio ye que los empresarios nun dexen de meter a xente SI HAI NEGOCIU pol medio. Si nun lo hai, nin con reformes nin ensin elles. Eso sí, el que seya "indefiníu" que se ponga a tremar...
Esa priesa que-y entró al Presi pa facer, enantes del 6 de xineru, lo que cuantayá ta pidiéndo-y la patronal, col inefable, y babayu abondo, Rosell y el tovía más impresentable Arturín Fernández ye a esgaya sospechosa. Vamos ver, de siguío, si baxa'l paru o namás camuden un trabayador con derechos por otru ensin ellos. Lo que ta nidio ye que los empresarios nun dexen de meter a xente SI HAI NEGOCIU pol medio. Si nun lo hai, nin con reformes nin ensin elles. Eso sí, el que seya "indefiníu" que se ponga a tremar...
Cascos l'inxenuu...
Fai una docena díes, votóse en Madrid a Rajoy pa Presidente'l Gobiernu. Ún de los que dixeron "SÍ" foi el diputáu de Foro, que amás de casquista de pro ye representante de Cascos na Cámara.Namás fizo falta UN Conseyu Ministros seriu pa qu'el Presidentín saliera pataliando nos medios de la llaceria que van face-y a Asturies les midíes "anticrisis" del gallegu. A bona hora va don Francisco a cayer na cuenta. ¿Qué tantu por cientu de la responsabilidá d'eses midíes ye de quien votó a Mariano pa Presidente? ¿Sedrá culpa de ZP que, al dicir de Cascos, seya Asturies el país más perxudicáu pol "aforru" del PP?
ENTAMU
Bon añu pa toos. Nesti entamu de 2012, paezme prestoso tener un sitiu nel que falar de toes eses coses que vamos dir viendo na política estatal nos prósimos meses. Ya fai abondos díes, enantes de les eleiciones, dixe que diba entamar un tiempu nel que tolo llaceriante que pasara sedría culpa de "l'heriedu del gobiernu anterior". Fai 11 díes qu'el nuevu Presidente garró'l cargu y ya resonen por toos llaos los ecos "dexáronnos na ruina". Llóxicu: ye la manera de tapar les midíes coles que van mancanos a toos... Lo atristayante ye qu'escaecieron les fórmules máxiques que teníen, cuantayá, pa "sacanos de la crisis"...
Suscribirse a:
Entradas (Atom)
