Esti vídeo nun ye de los 90, sinon d'agostu de 2010. Mariano reclamaba que xubir los impuestos yera un insultu a los ciudadanos, porque l'impuestu de sociedades ya'l de la renta ye "más altu que nel restu de países europeos", y los salarios yeren "abondo más curtios que nesos países". Entós, yeren "belixerantes" coles xubides d'impuestos, y dicíen, al alto la lleva, que la xera del gobiernu yera "xubir la renta disponible".
Esti ye, dafechu, el más nídiu exemplu de que, como dicía el mió güelu, una cosa ye predicar ya otra dar trigu. Agora, el nuevu Presidente nun tien torga nenguna en insultanos, alto y nidio, y, lo que ye pior, muncha xente echa fumu peles manes aplaudiéndolu porque "la cosa ta permala". Non, ho. Permala ta cuantaya, lo atristayante ye que namás nos demos cuenta cuando tamos nel poder (o tan los de nos).
No hay comentarios:
Publicar un comentario